Cymeriadau Difyr: Catrin Collnod 2

Mae Catrin Collnod yn chwilio am rywbeth, mae'n chwilio am lythyren. Mae'r llythyren wedi mynd ar goll! Tybed a ddaw Catrin o hyd i'r llythyren? Ymunwch gyda Gafin Gofynnod a Catrin Collnod wrth i'r ddau ddatrys y broblem.

Dewch i gwrdd â saith o Gymeriadau Difyr cyfres Glud y Geiriau sy'n cyflwyno elfennau atalnodi i ddysgwyr cam cynnydd 1 trwy amryw gerddi a straeon hwyliog. Mae 21 llyfr yn y gyfres hon yn cyflwyno saith elfen atalnodi mewn ffordd hylaw i ddarllenwyr ifanc. Ceir tri llyfr wedi eu graddoli ar gyfer bob elfen, a phob un yn esbonio rôl yr atalnodi fel y glud sy'n glynu'r geiriau ynghyd. Adnodd gwych ar gyfer dysgwyr 3- 5 oed i'w ddefnyddio yn yr ystafell ddosbarth neu ar gyfer atgyfnerthu'r dysgu yn y cartref.