Dewch i Deithio a Dysgu Ffrangeg
Methu llwytho argaeledd casglu mewn person
Hoffech chi gyflwyno Ffrangeg i’ch dysgwyr? Dyma becyn addysgiadol cynhwysfawr i gyflwyno’r iaith i ddysgwyr gyda chymorth Min a Mei a’u ffrindiau yn Skolaj Diwan Gwiseni a chyfeillion yn Ffrainc.
Mae dwy brif elfen i’r pecyn:
-
Hyfforddiant – bydd angen i unrhyw ymarferwr sy’ eisiau gweithredu’r pecyn fynychu hanner diwrnod o hyfforddiant arlein dros Teams.
Bydd cyfle i chi fynychu hyfforddiant ar;
Ddydd Iau, 8fed o Ionawr 2026 – 9-12.30yp
-
Mynediad i saith uned o waith i’w cyflwyno dros hanner tymor/tymor cyfan. Bydd pob uned yn cynnwys cynlluniau gwersi cyflawn, clipiau fideo, gweithgareddau, caneuon, ffeiliau sain ac adnoddau y gellir eu hargraffu i gyflwyno elfennau syml o’r iaith i ddysgwyr. Bydd y pecyn hefyd yn cynnwys perfformiad yn Ffrangeg y gellir ei pherfformio ar ddiwedd y saith uned. Bydd mynediad gyda chi i'r unedau am dair blynedd.
Nid oes angen unrhyw wybodaeth o’r iaith Ffrangeg ar ymarferydd i gyflwyno’r unedau.
Mae pris y pecyn yn amrywio yn unol â sawl defnyddiwr rydych chi eisiau i gael mynediad at y deunyddiau.
Mae 3 opsiwn:
-
Hyd at 3 defnyddiwr - £250
-
Hyd at 6 defnyddiwr - £300
-
Hyd at 10 defnyddiwr - £400
Mae’r pris yma yn cynnwys hyfforddiant i ddefnyddwyr a thrwydded i’r ysgol ddefnyddio’r deunyddiau oddi fewn i ysgol y prynwr yn unig am dair blynedd.
Ar ôl prynu’r adnodd, byddwch yn derbyn e-bost yn cynnwys ffurflen i chi gwblhau yn cadarnhau enwau ac e-byst y defnyddwyr, gan gynnwys yr hyfforddiant y byddan nhw’n mynychu. Bydd y defnyddwyr yn derbyn eu cyfrineiriau dri diwrnod cyn mynychu’r hyfforddiant a bydd eich trwydded tair blynedd yn dechrau ar y diwrnod hwn .
Os oes gennych unrhyw gwestiwn, cysylltwch â post@peniarth.cymru
