Iaith Fyw

Mae Iaith Fyw yn ganllaw iaith hylaw sydd wedi'i baratoi'n benodol i'w ddefnyddio gan athrawon yn yr ystafell ddosbarth. Mae'n cynnig enghreifftiau o ymadroddion a brawddegau Cymraeg pob dydd wedi'u gosod yn glir ar fachyn hylaw, hawdd ei gario o le i le.

Mae'r eitemau iaith wedi eu grwpio fesul lliw ac yn cynnwys cyfarchion, cwestiynau, canmoliaeth a gorchmynion defnyddiol; dyddiau'r wythnos; misoedd y flwyddyn; rhifau; amser; arddodiaid. Adnodd defnyddiol arall sy'n cynnig cymorth cyflym a safonol i athrawon ar lawr dosbarth.