Diwali Binny

Dyma stori dwymgalon am ŵyl Hindŵaidd Diwali, am oresgyn nerfusrwydd ac am ddaioni’n trechu drwg, a golau’n trechu tywyllwch. Rhwng cloriau’r llyfr lliwgar hwn ceir hanes diwrnod Binny wrth iddi gyflwyno gwybodaeth am Diwali, a rhannu traddodiadau ac arferion Gŵyl y Goleuni i’w ffrindiau yn yr ysgol.

Mae’r addasiad Cymraeg hwn gan Casia Wiliam o’r llyfr poblogaidd Binny’s Diwali gan Thrity Umrigar yn rhan o gynllun Rhyngom Cyngor Llyfrau Cymru a Llywodraeth Cymru i gyhoeddi llyfrau fydd yn cefnogi iechyd a lles plant a phobl ifanc, eu sgiliau empathi a'u sgiliau llythrennedd, er mwyn cefnogi Cwricwlwm i Gymru.