Archwilio'r Amgylchedd yn y dref: Cyfres 1

Dewch i ddilyn anturiaethau Betsan a Roco wrth iddyn nhw archwilio'r dref. Dyma gyflwyno Archwilio'r Amgylchedd yn y dref: Cyfres 1, sef 8 o straeon a cherddi gwreiddiol i blant ar Gamau Cynnydd 1 a 2. Eu nod yw cefnogi gwahanol feysydd dysgu a phrofiad gan ganolbwyntio ar archwilio a darganfod yn yr awyr agored.

Mae'r llyfrau'n cynnig cyfle i godi chwilfrydedd y plant ynghylch eu hamgylchedd yn ogystal â'u hannog i fwynhau drwy archwilio, ymholi, arbrofi, gofyn cwestiynau a cheisio dod o hyd i atebion. Cyfres yw hon sy'n datblygu cyfleoedd i'r plant ddarllen a mynegi eu syniadau, eu safbwyntiau a'u teimladau gan ddangos dychymyg, creadigrwydd a sensitifrwydd tuag at eu hamgylchedd. Mae'r cyfres gyfan yn cynnwys:

8 Llyfr A4 (Anifeiliaid y dref, Bwyd o Bedwar Ban Byd, Croesi'r Ffordd, Hamdden yr Haf, Lliwiau, Rwy'n clywed â'm clust fach i..., Rwy'n gweld â'm llygad bach i..., Teithio).

48 Cerdyn her A4 (6 cherdyn ar gyfer pob llyfr) Defnyddiol iawn i gael syniadau am weithgareddau i gynnwys yn eich corneli i gefnogi y Chwe Maes Dysgu a Phrofiad.

2 boster A3

Canllaw i Athrawon