Dyddiadur Betsan

Ydych chi'n cadw dyddiadur i gofio beth rydych chi wedi'i wneud yn ystod y dydd, wythnos neu fis? Mae Betsan yn hoffi cadw dyddiadur pan mae hi'n aros gyda Roco yn y dref. Beth fyddai yn eich dyddiadur pe baech yn aros yn y dref am wythnos? Pa fath o leoliadau hoffech chi eu gweld? Mae cadw dyddiadur yn ffordd wych i ddysgwyr gofnodi syniadau, eu teimladau, ffeithiau diddorol a'u harsylwadau yn ystod digwyddiad penodol.

Mae 'Dyddiadur Betsan' yn rhan o gyfres Archwilio’r Amgylchedd yn y dref: Cyfres 2. Cyfresi sy'n dilyn anturiaethau Betsan a Roco wrth iddyn nhw archwilio'r dref yw Archwilio’r Amgylchedd yn y dref . Mae Cyfres 2 yn cynnwys 8 stori neu gerdd gwreiddiol i blant ar Gam Cynnydd 2. Eu nod yw cefnogi gwahanol feysydd dysgu a phrofiad gan ganolbwyntio ar archwilio a darganfod yn yr awyr agored.

Mae'r llyfrau'n cynnig cyfle i godi chwilfrydedd y plant ynghylch eu hamgylchedd yn ogystal â'u hannog i fwynhau drwy archwilio, ymholi, arbrofi, gofyn cwestiynau a cheisio dod o hyd i atebion. Cyfres yw hon sy'n datblygu cyfleoedd i'r plant ddarllen a mynegi eu syniadau, eu safbwyntiau a'u teimladau gan ddangos dychymyg, creadigrwydd a sensitifrwydd tuag at eu hamgylchedd. Os prynwch chi’r gyfres gyflawn, cewch 6 cerdyn her ar gyfer pob llyfr sy'n cynnwys heriau amrywiol y gallech eu defnyddio er mwyn cefnogi'r dysgu ymhellach, gan ddarparu cyfle i ddysgwyr i atgyfnerthu’r sgiliau maent wedi dysgu.