Cymeriadau Difyr: Glud y Geiriau

Camwch i fyd hudolus y Cymeriadau Difyr wrth iddynt eich cyflwyno i saith o gymeriadau Glud y Geiriau gyda'u straeon hwyliog sy'n cyflwyno gwahanol elfennau atalnodi i ddysgwyr 3- 5 oed. Mae'r pecyn hwn yn cynnwys holl lyfrau'r gyfres ar ffurf dilyniant. Mae'r 21 llyfr stori Cymraeg yn cyflwyno saith elfen atalnodi mewn ffordd hylaw i ddarllenwyr ifanc, cam cynnydd 1. Ceir tri llyfr wedi eu graddoli ar gyfer bob elfen, a phob un yn esbonio rôl yr atalnodi fel y glud sy'n glynu'r geiriau ynghyd. Adnodd gwych ar gyfer dysgwyr 3- 5 oed i'w ddefnyddio yn yr ystafell ddosbarth neu ar gyfer atgyfnerthu'r dysgu yn y cartref.