Cymeriadau Difyr: Alys Atalnod 3

Mae Greta yn edrych ymlaen at fynd am bicnic gyda Gafin Gofynnod ac Elen Ebychnod. Mae ganddi fasged, ond beth sydd ynddi? Ar y ffordd i'r picnic mae'n gweld Alys Atalnod ac Anni Ansoddair, tybed gall y ddwy helpu Greta i egluro beth sydd yn y fasged?

Dewch i gwrdd â saith o Gymeriadau Difyr cyfres Glud y Geiriau sy'n cyflwyno elfennau atalnodi i ddysgwyr cam cynnydd 1 trwy amryw gerddi a straeon hwyliog. Mae 21 llyfr yn y gyfres hon yn cyflwyno saith elfen atalnodi mewn ffordd hylaw i ddarllenwyr ifanc. Ceir tri llyfr wedi eu graddoli ar gyfer bob elfen, a phob un yn esbonio rôl yr atalnodi fel y glud sy'n glynu'r geiriau ynghyd. Adnodd gwych ar gyfer dysgwyr 3- 5 oed i'w ddefnyddio yn yr ystafell ddosbarth neu ar gyfer atgyfnerthu'r dysgu yn y cartref.