Cyfri Fesul Dau

A oes gyda chi anifail anwes? Mae rhai o rifau Stryd y Rhifau yn cystadlu yn y sioe anifeiliaid anwes heddiw! Rhaid i bawb ddod â'u hanifeiliaid anwes i'r parc. Mae pawb wedi dod â dau anifail yr un. Ydych chi'n gallu cyfri fesul dau? Tybed faint o anifeiliaid fydd yn cystadlu? Pwy fydd ennill tybed?

Mae adnabod, cyfri a threfnu rhifau i gyd yn rhan o ddysgu gyda phlant 3-5 oed. Mae'r gyfres hon yn cynnwys 21 llyfr stori Cymraeg ar gyfer dysgwyr cam cynnydd 1 ac wedi eu graddoli, ac yn ymestyn o lyfrau sy'n canolbwyntio ar y rhifau unigol o 0 i 10, hyd at destunau mwy heriol megis haneru, dyblu, trefnolion a llyfrau datrys problemau. Mae pob llyfr yn canolbwyntio ar gymeriad rhif, ac yn gymorth i hybu adnabyddiaeth plant o rifolion penodol mewn ffordd hwyliog a chyffrous. Adnodd gwych ar gyfer yr ystafell ddosbarth neu ar gyfer atgyfnerthu'r dysgu yn y cartref.