Wyt ti'n Gwybod? Gwyliau Nima

Darllenwch y stori hon i ddysgu mwy am wyliau Nima a'r teulu i'r Eidal a'i hymweliad â Pompeii. Edrychwch ar y llosgfynydd roedd Noa wedi ei greu. Darllenwch y cyfarwyddiadau a chreu eich llosgfynydd eich hun yn y dosbarth.

Anogwch eich dysgwyr i chwilota am ffeithiau diddorol yn y gyfres addysgiadol hon, 'Wyt ti'n Gwybod?' Mae'r llyfrau'n addas ar gyfer Cam Cynnydd 2. Eu nod yw ehangu gwybodaeth gan gryfhau sgiliau darllen dysgwyr mewn ffordd naturiol a hwyliog. Mae'r llyfrau hefyd yn addas i ddatblygu sgiliau llafar a thrafod y dysgwyr. Gallwch ddefnyddio'r llyfrau fel sbardun yn y dosbarth neu ar gyfer tasg grŵp, neu eu defnyddio yn y cartref i addysgu mwy am thema benodol.