Wyt ti'n Gwybod? Yn y Parc

Ydych chi'n hoffi mynd am dro i'ch parc lleol? Ydych chi'n sylwi ar y coed a'r amgylchedd yn newid yn ystod y tymhorau? Dewch i weld beth yw'r pethau sy'n newid ac sy'n ymddangos yn y parc o dymor i dymor.

Anogwch eich dysgwyr i chwilota am ffeithiau diddorol yn y gyfres addysgiadol hon, 'Wyt ti'n Gwybod?' Mae'r llyfrau'n addas ar gyfer diwedd Cam Cynnydd 1 a Cham Cynnydd 2. Eu nod yw ehangu gwybodaeth gan gryfhau sgiliau darllen dysgwyr mewn ffordd naturiol a hwyliog. Mae'r llyfrau hefyd yn addas i ddatblygu sgiliau llafar a thrafod y dysgwyr. Gallwch ddefnyddio'r llyfrau fel sbardun yn y dosbarth neu ar gyfer tasg grŵp, neu eu defnyddio yn y cartref i addysgu mwy am thema benodol.