Wyt ti'n Gwybod? Cŵn sy'n gweithio

Mae cŵn yn glyfar iawn! Ydych chi'n medru dysgu triciau gwahanol i'ch cŵn chi? Mae Rex, Mot, George, Macs a Sbarc yn gwneud gwaith arbennig yn helpu unigolion a'r gymuned. Tybed pa gŵn sy'n gwneud pa waith?

Darllenwch y llyfr yma i weld beth yw'r gwaith mae'r cŵn yn eu cyflawni o ddydd i ddydd. Beth am drefnu bod ci o'r heddlu, tîm achub neu gi tywys yn dod i ymweld â'r ysgol er mwyn i'r dysgwyr gael y profiad o gyfarfod â'r anifeiliaid wyneb yn wyneb a chael cyfle i ofyn cwestiynau a dysgu mwy?

Anogwch eich dysgwyr i chwilota am ffeithiau diddorol yn y gyfres addysgiadol hon, 'Wyt ti'n Gwybod?' Mae'r llyfrau'n addas ar gyfer diwedd Cam Cynnydd 1 a Cham Cynnydd 2. Eu nod yw ehangu gwybodaeth gan gryfhau sgiliau darllen dysgwyr mewn ffordd naturiol a hwyliog. Mae'r llyfrau hefyd yn addas i ddatblygu sgiliau llafar a thrafod y dysgwyr. Gallwch ddefnyddio'r llyfrau fel sbardun yn y dosbarth neu ar gyfer tasg grŵp, neu eu defnyddio yn y cartref i addysgu mwy am thema benodol.