Wyt ti'n Gwybod? Tywod

Ydych chi'n mwynhau mynd i'r traeth ac adeiladu castell tywod? Tybed beth arall gallwn ni ei greu o dywod? Beth ydy syniadau eich dysgwyr chi? Darllenwch y llyfr yma i ddysgu mwy am dywod - mae'n adnodd arbennig iawn!

Anogwch eich dysgwyr i chwilota am ffeithiau diddorol yn y gyfres addysgiadol hon, 'Wyt ti'n Gwybod?' Mae'r llyfrau'n addas ar gyfer Cam Cynnydd 2. Eu nod yw ehangu gwybodaeth gan gryfhau sgiliau darllen dysgwyr mewn ffordd naturiol a hwyliog. Mae'r llyfrau hefyd yn addas i ddatblygu sgiliau llafar a thrafod y dysgwyr. Gallwch ddefnyddio'r llyfrau fel sbardun yn y dosbarth neu ar gyfer tasg grŵp, neu eu defnyddio yn y cartref i addysgu mwy am thema benodol.