Wyt ti'n gwybod? Pen-blwydd Nima

Mae Nima yn cael amryw o syrpreisys o bob cwr o'r byd ar gyfer ei phen-blwydd! Tybed beth mae pawb wedi dod ag e i'r parti? Pa draddodiadau pen-blwydd sy'n boblogaidd mewn gwledydd arall? Beth ydych chi'n hoffi ei wneud ar ddiwrnod eich pen-blwydd? Oes yna fwyd penodol rydych chi'n mwynhau ei fwyta? Dewch i ddathlu pen-blwydd Nima gyda hi a gwerthfawrogi'r holl roddion.

Anogwch eich dysgwyr i chwilota am ffeithiau diddorol yn y gyfres addysgiadol hon, 'Wyt ti'n Gwybod?' Mae'r llyfrau'n addas ar gyfer diwedd Cam Cynnydd 1 a Cham Cynnydd 2. Eu nod yw ehangu gwybodaeth gan gryfhau sgiliau darllen dysgwyr mewn ffordd naturiol a hwyliog. Mae'r llyfrau hefyd yn addas i ddatblygu sgiliau llafar a thrafod y dysgwyr. Gallwch ddefnyddio'r llyfrau fel sbardun yn y dosbarth neu ar gyfer tasg grŵp, neu eu defnyddio yn y cartref i addysgu mwy am thema benodol.