Wyt ti'n Gwybod? Cymru yn yr Ewros 2016

Roedd 2016 yn flwyddyn arbennig i dîm pêl-droed Cymru! Dewch i ddarllen yr hanes! Cyfrwch sawl gôl roedd y tîm wedi eu sgorio yn ystod y twrnamaint. Pa chwaraewr sgoriodd y nifer fwyaf o goliau i Gymru? Roedd yr awyrgylch yn rhyfeddol yn y stadiwm a phawb yn falch iawn o'r bechgyn. Cafwyd croeso gwych yn ôl yng Nghaerdydd. Tybed sut gwnaeth y tîm ddathlu?

Anogwch eich dysgwyr i chwilota am ffeithiau diddorol yn y gyfres addysgiadol hon, 'Wyt ti'n Gwybod?' Mae'r llyfrau'n addas ar gyfer Cam Cynnydd 2. Eu nod yw ehangu gwybodaeth gan gryfhau sgiliau darllen dysgwyr mewn ffordd naturiol a hwyliog. Mae'r llyfrau hefyd yn addas i ddatblygu sgiliau llafar a thrafod y dysgwyr. Gallwch ddefnyddio'r llyfrau fel sbardun yn y dosbarth neu ar gyfer tasg grŵp, neu eu defnyddio yn y cartref i addysgu mwy am thema benodol.