Wyt ti'n gwybod? Pecyn 1

Anogwch eich dysgwyr i chwilota am ffeithiau diddorol yn y gyfres addysgiadol hon, 'Wyt ti'n Gwybod?' Mae'r llyfrau'n addas ar gyfer diwedd Cam Cynnydd 1 a Cham Cynnydd 2. Eu nod yw ehangu gwybodaeth gan gryfhau sgiliau darllen dysgwyr mewn ffordd naturiol a hwyliog. Mae'r llyfrau hefyd yn addas i ddatblygu sgiliau llafar a thrafod y dysgwyr.

Gallwch ddefnyddio'r llyfrau fel sbardun yn y dosbarth neu ar gyfer tasg grŵp, neu eu defnyddio yn y cartref i addysgu mwy am thema benodol. Mae'r pecyn cyflawn yn cynnwys 15 llyfr, sef 5 llyfr lefel syml, 5 lefel ganolig, 5 lefel estynnol. Mae amryw o destunau cyffrous yn cael eu cynnwys yn y gyfres hon a fydd yn adnodd gwerthfawr wrth i chi archwilio pob math o themâu gwahanol gyda'ch dosbarth.