Nid peth newydd yw diddordeb oedolion mewn dysgu pobl ifainc. Mae plant a phlentyndod fel petai'n fyd arall - yn llawn antur, hwyl, difrifoldeb, a gallu rhyfeddol ac mae wedi ein swyno ers canrifoedd. Erbyn hyn, mae astudio plentyndod cynnar yn faes academaidd ar ei ben ei hun. Cyfrol newydd yn y maes hwnnw lle nad oes fawr o gyhoeddi Cymraeg wedi bod ynddo o'r blaen yw Y Plentyn Bach. Mae yma orolwg ar nifer o agweddau ar blentyndod, yn hanesyddol ac o safbwynt polisi, damcaniaethau seicoleg a dysgu, cymdeithaseg a chyfraniad merched yn benodol.

Golygydd: Siân Wyn Siencyn